Xiisad dagaal oo ka taagan duleedka Magaalada Kismaayo.

Duleedka magaalada Kismaayo ee gobolka Jubbada Hoose ayaa waxaa maalmahan ka dhacayay dagaal u dhaxeeya laba beelood oo isku haysta Ceel Biyood laga qoday deegaanka Haadweyne oo 25km galbeed kaga toosan Magaalada Kismaayo.

Inta la ogyahay 5 qof ayaa lagu soo waramayaa in lagu dilay dagaal dhacay, iyadoo tirada guud ee dagaalladan ku geeriyootay ilaa iyo haatan la sheegayo in ay gaarayso 8 qof.
Deegaannada lagu dagaalamay oo saakay ay weli xiisado dagaal ka taagan yihiin ayaa waxaa ay kala yihiin,deegaannada Dalsan,haadweyne iyo Qandal,waxaana dagaalkaan uu yahay mid soo laab laabtey.

Todobaadkii la soo dhaafay ayaa dagaalka waxaa uu ku bilawdey hab dilal gooni gooni ah,waxaana isbitaalka magaalada Kismaayo la geeyey Meydadka Shan ruux oo ku geeriyoodey dagaalkii ugu dambeeyey ee dhacay.