R/wasaaraha soomaaliya oo booqday Ciidamada Loo diyaariyey dagaalka Alshabaab.

Xasan Cali Khayre  Raysal Wasaaraha Soomaaliya ayaa sagootiyay ciidamo ka tirsan xoogga dalka oo loo diyaariyay ka qayb qaadashaya howl-gallada la gula dagaalayo alshabab.

Ciidanka oo lagu tababaray xerada Gen. Gordan, ayuu Ra’iisul Wasaaruhu uga mahad-celiyay naf-hurnimada ay uga qayb qaadanayaan badbaadinta nafta iyo maalka ummadda Soomaaliyeed, waxuuna kula ballamay in alshabab ay ka xoreeyaan deegaannada loo qorsheeyay in ay ka fuliyaan howl gallada.

Ciidamanka tababarka dhameystay ayaa qayb ka noqonaya ciidamada ku sugan furimaha dagaalka ee qabowga iyo cadceedda u taagan ilaalinta dhiigga  iyo hantida umadda Soomaaliyeed

Khayre oo ballan qaaday in madaxda dowladdu u dhammeystireyso dhammaan agabka ay  baahanyihiin ciidanka, waxaa uu saraakiisha iyo taliyaasha ciidanka kula dardaarmay inay ku dadaalaan xuquuqda ciidanka, una  cadaalad falaan, tusaale wanaaggsanna u noqdaan ciidanka.

………………………………….