Kenya oo soo dhaweysay Doorashadii Gacan ku rimiska aheyd ee jubaland

Dawladda Kenya ayaa hanbalyaysay madaxweynaha la doortay ee Jubbaland Axmed Maxamed Madoobe.

qoraalka ka soo baxay wasaarada arrimaha dibadda Kenya ayaa lagu sheegay in Kenya ku faraxsan tahay in doorashadaasi si ammaan ah u dhacday.

Kenya may soo hadal qaadin doorashada cabdirashiid Xidig, oo isna sheegay in Kismaayo loogu doortay madaxweynaha Jubbaland.

dawladda Soomaaliya ayaa hore u qaadacday doorashada Kenya hanbalyeysay ee Jubbaland.

Kenya iyo Soomaaliya waxa ka dhexeeya muran dhinaca Xuduudda badda ah kaas oo hadda ay ka garnaqayso maxkamadda Heeg.

Ciidamo badan oo Kenyan ah ayaa nabad ilaalin u jooga qaybo ka mid ah Soomaaliya.