Ilo’ xog-ogaal ah ayaa xaqiijiyay, in madaxweynaha is doortay ee  maamul goboleedka Jubaland Axmed Maxamed Islaan uu todobaadkan socdaal ku tagi doona magaalada Garoowe ee caasimadda Puntland.

Axmed Madoobe ayaa sida qorshaysan Isniinta soo socota  ku wajahan Garoowe, waxaana isaga iyo madaxweynaha Puntland ka wada-hadli doonaan arrimo ku saabsan doorashada 2020/2021 ee Soomaaliya iyo xiriirka dowladda Federaalka  iyo dowlad goboleedyada dalka.

Sidoo kale, Labada dhinac ayaa la filayaa in ay ka wada-hadlaan khilaafaadka u dhexeeya maamul goboleedyada ay madaxda ka yihiin Iyo dowladda federaalka soomaaliya.