Ciidamadii ugu badnaa ee ka goostay Puntland oo lagu soo bandhigay Laascaanood

Maamulka Soomaaliland saraakiil ka tirsan iyo maamulka degmada Laas-caanood ayaa soo dhaweeyay, iyagoona soo bandhigay ciidamo ay sheegeen in ay kasoo goosteen maamulka Puntland oo ay xurguf kala dhexeyso.

Soomaaliland ciidamadaan ay soo bandhigeen ayaa tiradoodu gaaraysaa 30 Askari iyo taliyaha hoggaaminaya ayaa waxaa ay ahaayeen Ciidamada Puntland ee ka howlgeli jirey deegaanka Boocame ee Gobolka Sool.

Ciidamada kasoo goostey Puntland taliyaha hoggaaminaya ayaa sheegay in ay diyaar u yihiin inay ka qeyb qaataan sugida amniga halka ay geyso maamulka Soomaaliland.

Dhinaca kale Saraakiil ka tirsan ciidamada Soomaaliland ee soo dhaweeyay ciidanka soo goostay ayaa in Ciidamadaan xilligaan wixii ka dambeeya ay kamid yihiin ciidamada Soomaaliland xaquuqna ku leeyihiin.