Iiraan oo gantaallo ku hoobisey saldhig ay deggan yihiin ciidamada Maraykanku
Tehraan ayaa ugu yaraan “toban” gantaal ku weerartay saldhigga cirka ee Al-Asad oo ay Ciidamada Maraykanku ka deggan yihiin dalka Ciraaq, sida uu sheegay TV-ga dowladda Iiraan.
gantaalaha lagu hoobiyey saldhigga ayaa lagu tilmaamay mid loogu aargudayay dilkii Qaasim Sulaymaani.
Xoghayaha Warfaafinta ugu qaybsan Aqalka Cad, Stephanie Grisham ayaa iyadna sheegtay inay ka war qabaan waxa dhacay.
“Madaxwaynaha waa lagu wargeliyey arrinta wuxuuna si dhow ula socdaa arrinta isagoo la tashanaya kooxda amaanka qaranka,” ayay tiri.
Weli lama oga inta uu la egyahay khasaaraha dhacay iyo jawaabta ay ka bixin doonaan Maraykanku.
