Qarax Ismiidaamin ah oo ka dhacay Isgoyska EX Afgooye iyo Wararkii u dambeeyay
Warar dheeraad ah ayaa kasoo baxaya Qarax Ismiidaamin oo saaka ka dhacay Isgoyska Ex Kontrool Afgooye ee magaalada Muqdisho gaar ahaan goob gaadiidka looga qaadayay lacagaha canshuuraha.
Gaari waxyaabaha qarxa laga soo buuxiyay ayaa lagu weeraray Isgooska Ex-Coontarool Afgooye gaar ahaan bar ay ciidamada gaadiidka lacagaha canshuuraha ugu qaadaan , waxaana goobta qaraxa ka dhacay ku sugnaa dad aad u badan.
Khasaaro aad u badan oo isugu jira dhimasho iyo dhaawac ayaa ka dhashay qaraxa, waxaana qaar kamid ah isbitaalada magaalada Muqdisho la dhigay dhaawacyo qaraxa waxyeelo kasoo gaadhay.
Goobjooge ku sugnaa goobta qaraxu ka dhacay ayaa sheegay in uu arkay meydadka dad badan iyo kuwa kale oo ku dhaawacmay Qaraxa.
