Hay’adda Nabad sugidda iyo sirdoonka Qaranka ee NISA oo soo bandhigtay sawirka Nin ay sheegtay in uu qorsheynayay in uu weerar fuliyo.
Nabad Sugidda Soomaaliya ma sheegin magaca Ninka ay qabteen iyo goobta uu qorsheynayay in uu weerarka ka geysto.
War kasoo baxay Nabad Sugidda Soomaaliya ayaa lagu sheegay in Ninkaasi uu doonayay in uu geysto weerar isaga oo adeegsanaya Bam-gacmeed hay’adaha amaankana ay gacanta ku dhigeen.
Qoraalka Hay’adda Nabad sugidda iyo Sirdoonka Qaranka Soomaaliya ayaa u qoran.
“Ciidamada Amniga, ayaa caawa gacanta kusoo dhigay dhagarqabe katirsan Alshabaab, isagoo doonayey inuu Bam-gacmeed tuuro, waxaana la qabtay isagoon wax qasaara ah u gaysan shacabka. Waxaana la xisaabtamaya hay’adaha ku shaqada leh.”.
Magaalada Muqdisho Mudooyinkii dambe waxaa laga dareemayaa Isbadal Cajiib ah oo dhinaca Amniga ah, Taasi oo sababta inay inta badan Ciidamada ka hor tagaan Falalka amni darro, ama marka ay wax dhacaan markiiiba Jawaab ku haboon ay ka bixiyaan.
