Soomaaliya oo mudo ka dib bilowday dhoofinta Muuskii Caanka ay ku aheyd
Suuqyadii caalamiga ahaa ee dalabyada Muuska Soomaaliyeed oo dib u soo laabtay, waxaana maanta Soomaaliya ay Muus u dhoofisay Sucuudiga. Waxaa kaloo iyana xiga oo loo dhoofinayaa Turkiga.
Mooskan oo ah mid tayo wanaagsan oo dabaqadda 1-aad ah (class one), isla markaana ay soo saareen beeraleyda Soomaaliyeed ayaa maanta laga dhoofiyay Dekadda Muqdisho iyadoo loo iib geeyay wadamada Sucuudiga iyo Turkiga.
Wasaarada Beeraha ee Soomaaliya ayaa sheegtay in ay tahay markii ugu horreeysay oo moos dalka dibadiisa loo iibgeeyo mudo shan sanadood ah.
Wax soo saarka muuska oo dhaqaalaha Soomaaliya kaalin muhiim ah kaga jiray burburkii kahor ayaa loo arkaa tillaabo wanaagsan oo dhaqaalaha kobcineysa isla markaana shaqo abuureysa.
